മലയാള സിനിമയിൽ തന്റേതായ ഇടം കണ്ടെത്തിയ സംവിധായകനാണ് ഗിരീഷ് എ.ഡി. അടുത്തിടെ വൻ വിജയമായി മാറിയ ‘ബത്‌ലഹേം കുടുംബ യൂണിറ്റ്’ എന്ന തന്റെ പുതിയ ചിത്രത്തിന്റെ ബജറ്റിനെക്കുറിച്ചും മലയാള സിനിമാ വ്യവസായത്തിൽ പണം ചെലവാക്കുന്നതിലുണ്ടായ മാറ്റങ്ങളെക്കുറിച്ചും തുറന്നുപറയുകയാണ് അദ്ദേഹം.
തന്റേതൊന്നും ഭയങ്കര സിനിമകളാണെന്ന് പറയാൻ കഴിയില്ലെന്നും, പടിപടിയായി വളർന്നു വരുന്ന ഒരാളാണ് താനെന്നും ഗിരീഷ് പറയുന്നു. മുൻകാലങ്ങളിൽ മലയാള സിനിമയെ സംബന്ധിച്ച് പത്ത് കോടി രൂപ എന്നത് വളരെ വലിയൊരു തുകയായിരുന്നു. എന്നാൽ ഇന്ന് ആ സാഹചര്യം മാറി. പത്ത് കോടി എന്നത് ഇപ്പോൾ ഒരു സാധാരണ ബജറ്റായി മാറിയിരിക്കുകയാണെന്നും അദ്ദേഹം ചൂണ്ടിക്കാട്ടി.
25 കോടി രൂപയായിരുന്നു ‘ബത്‌ലഹേം കുടുംബ യൂണിറ്റി’ന്റെ ബജറ്റെന്ന് അദ്ദേഹം വെളിപ്പെടുത്തി. വളരെ വലിയൊരു സിനിമ ചെയ്യുന്നതിനെക്കുറിച്ച് താൻ ഇതുവരെ ആലോചിച്ചിട്ടില്ലെന്നും, ഇനി അങ്ങനെയൊന്ന് ചെയ്യുകയാണെങ്കിൽ അതൊരു വലിയ താരത്തെ വെച്ചുള്ള ചിത്രമായിരിക്കുമെന്നും അദ്ദേഹം വ്യക്തമാക്കി. ഗിരീഷ് എ.ഡിയുടെ സംവിധാനത്തിൽ പുറത്തിറങ്ങിയ ‘പ്രേമലു’, ‘ബത്‌ലഹേം കുടുംബ യൂണിറ്റ്’ എന്നീ ചിത്രങ്ങൾ തിയേറ്ററുകളിൽ മികച്ച വിജയമാണ് നേടിയത്.
+ There are no comments
Add yours