പ്രിൻസസ് ഓഫ് അസ്റ്റൂറിയസ് പുരസ്കാരം ഏറ്റുവാങ്ങി മെസി; ഈ നേട്ടം കൈവരിക്കുന്ന ആദ്യ ഫുട്ബോൾ താരം

സ്പെയിനിലെ പ്രശസ്തമായ പ്രിൻസസ് ഓഫ് അസ്റ്റൂറിയസ് പുരസ്കാരം സ്വന്തമാക്കുന്ന ആദ്യ ഫുട്ബോൾ താരമായി അർജന്റീനയുടെ ഇതിഹാസ താരം ലയണൽ മെസി മാറി. വെള്ളിയാഴ്ച സ്പെയിനിലെ ഒവീഡോയിലുള്ള കാമ്പോമോർ തിയേറ്ററിൽ നടന്ന പ്രൗഢഗംഭീരമായ ചടങ്ങിൽ ലിയോനർ രാജകുമാരിയിൽ നിന്ന് അദ്ദേഹം 2026-ലെ പുരസ്കാരം ഏറ്റുവാങ്ങി. സ്പാനിഷ് രാജാവ് ഫെലിപ്പ് ആറാമനും ലെറ്റിസിയ രാജ്ഞിയും ചടങ്ങിൽ സന്നിഹിതരായിരുന്നു.

മെസിയുടെ കായിക രംഗത്തെ മികച്ച നേട്ടങ്ങൾക്കൊപ്പം അദ്ദേഹത്തിന്റെ ജീവകാരുണ്യ പ്രവർത്തനങ്ങളും, വിനയം, ടീം വർക്ക് എന്നീ ഘടകങ്ങളും പരിഗണിച്ചാണ് ഈ വലിയ അംഗീകാരം നൽകിയത്. ജൂൺ മൂന്നിനായിരുന്നു പുരസ്കാര പ്രഖ്യാപനം നടന്നത്.

2012-ൽ ഫുട്ബോൾ താരങ്ങളായ സാവി ഹെർണാണ്ടസിനും ഇക്കർ കാസില്ലസിനും സംയുക്തമായും, ലോകകപ്പ് വിജയത്തിന് ശേഷം 2002-ൽ ബ്രസീൽ ദേശീയ ടീമിനും ഈ അവാർഡ് ലഭിച്ചിട്ടുണ്ട്. എന്നാൽ, ഒരു ഫുട്ബോൾ താരത്തിന് വ്യക്തിഗത നേട്ടമെന്ന നിലയിൽ പ്രിൻസസ് ഓഫ് അസ്റ്റൂറിയസ് പുരസ്കാരം ലഭിക്കുന്നത് ഇതാദ്യമായാണ്.