തിരുവനന്തപുരം: വരാനിരിക്കുന്ന രഞ്ജി ട്രോഫി ക്രിക്കറ്റ് സീസണിലെ ആദ്യ മത്സരത്തിനായുള്ള കരുത്തുറ്റ കേരള ടീമിനെ പ്രഖ്യാപിച്ചു. വിക്കറ്റ് കീപ്പർ ബാറ്റർ വിഷ്ണു വിനോദാണ് ടീമിനെ നയിക്കുന്നത്. ഈ മാസം 11 മുതൽ 14 വരെ ജംഷെഡ്പൂരിൽ നടക്കുന്ന ആദ്യ പോരാട്ടത്തിൽ ജാർഖണ്ഡാണ് കേരളത്തിന്റെ എതിരാളികൾ.
യുവത്വത്തിനും പരിചയസമ്പത്തിനും ഒരുപോലെ പ്രാധാന്യം നൽകിയാണ് ടീമിനെ തിരഞ്ഞെടുത്തിരിക്കുന്നത്. സച്ചിൻ ബേബി, രോഹൻ എസ്. കുന്നുമ്മൽ, നായകൻ വിഷ്ണു വിനോദ്, മുഹമ്മദ് അസ്ഹറുദ്ദീൻ, സൽമാൻ നിസാർ എന്നിവർ അണിനിരക്കുന്ന ശക്തമായ ബാറ്റിംഗ് നിരയാണ് ടീമിന്റെ കരുത്ത്. എം.ഡി. നിധീഷ്, ഈഡൻ ആപ്പിൾ ടോം, ബേസിൽ എൻ.പി. എന്നിവർ പേസ് ബൗളിംഗ് നിരയ്ക്ക് നേതൃത്വം നൽകും. പരിചയസമ്പന്നരായ ജലജ് സക്‌സേന, ആദിത്യ സർവാതെ എന്നിവരാണ് ടീമിലെ അതിഥി താരങ്ങൾ. സ്വപ്നിൽ അസ്നോദ്കറാണ് ഇത്തവണ കേരളത്തിന്റെ മുഖ്യ പരിശീലകൻ.
ജാർഖണ്ഡിന് പുറമെ ബംഗാൾ, ഗുജറാത്ത്, മഹാരാഷ്ട്ര, ഡൽഹി, ഒഡീഷ, സർവീസസ് എന്നിവരടങ്ങുന്ന കടുപ്പമേറിയ ഗ്രൂപ്പിലാണ് ഇത്തവണ കേരളം മത്സരിക്കുന്നത്.
കേരള ടീം:
വിഷ്ണു വിനോദ് (ക്യാപ്റ്റൻ / വിക്കറ്റ് കീപ്പർ), രോഹൻ എസ്. കുന്നുമ്മൽ, അഭിഷേക് ജെ. നായർ, അഭിഷേക് പി. നായർ, സച്ചിൻ ബേബി, അഹമ്മദ് ഇമ്രാൻ, മുഹമ്മദ് അസ്ഹറുദ്ദീൻ (വിക്കറ്റ് കീപ്പർ), സൽമാൻ നിസാർ, വരുൺ നായനാർ (വിക്കറ്റ് കീപ്പർ), ജലജ് സക്‌സേന, വൈശാഖ് ചന്ദ്രൻ, ആദിത്യ ആനന്ദ് സർവാതെ, അനുരാജ് ജെ. എസ്, അഭിജിത് പ്രവീൺ വി, എം.ഡി. നിധീഷ്, ഈഡൻ ആപ്പിൾ ടോം, പവൻ രാജ്, ബേസിൽ എൻ. പി.
+ There are no comments
Add yours