യുക്രെയ്ൻ തലസ്ഥാനമായ കീവിൽ റഷ്യ വീണ്ടും ശക്തമായ ആക്രമണം നടത്തി. ഡിനിപ്രോ നദിക്ക് കുറുകെയുള്ള പ്രധാന പാലങ്ങളിലൊന്നായ ‘നോർത്തേൺ ബ്രിഡ്ജി’ലെ ഓവർഹെഡ് വയറുകൾക്കാണ് ഇന്ന് പുലർച്ചെയുണ്ടായ ആക്രമണത്തിൽ കേടുപാടുകൾ സംഭവിച്ചത്.
റഷ്യയുടെ ഊർജ്ജ അടിസ്ഥാനസൗകര്യങ്ങൾക്ക് നേരെ യുക്രെയ്ൻ നടത്തിയ ആക്രമണങ്ങൾക്കുള്ള തിരിച്ചടിയാണിതെന്ന് റഷ്യൻ പ്രസിഡന്റ് വ്ളാഡിമിർ പുടിൻ വ്യക്തമാക്കി. കഴിഞ്ഞ വ്യാഴാഴ്ച കീവിലെ ഇരുഭാഗങ്ങളെയും ബന്ധിപ്പിക്കുന്ന ‘സതേൺ ബ്രിഡ്ജി’ന് നേരെയും റഷ്യ ആക്രമണം നടത്തിയിരുന്നു.
പാലത്തിന് കേടുപാടുകൾ സംഭവിച്ചതിനെ തുടർന്ന് കിഴക്കൻ തീരത്ത് നിന്ന് പടിഞ്ഞാറൻ തീരത്തേക്കുള്ള വാഹനഗതാഗതം താൽക്കാലികമായി നിർത്തിവെച്ചു. സംഭവത്തിൽ ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല.
+ There are no comments
Add yours