കൊല്ലം: അന്തരിച്ച സി.പി.എം നേതാവ് കോടിയേരി ബാലകൃഷ്ണന്റെ ഫ്ലക്സ് ബോർഡ് കീറിയ സംഭവത്തിൽ പരസ്യമായി ക്ഷമ ചോദിച്ച് അക്ബർ ഷാ. കോൺഗ്രസിന്റെ ഫ്ലക്സാണെന്ന് തെറ്റിദ്ധരിച്ചാണ് താൻ അത് നശിപ്പിച്ചതെന്നാണ് ഇയാളുടെ വിശദീകരണം. തനിക്ക് എസ്.എഫ്.ഐയുമായി യാതൊരു ബന്ധവുമില്ലെന്ന സംഘടനാ നേതൃത്വത്തിന്റെ വാദവും അക്ബർ ഷാ തള്ളി.
വാർത്തകളിൽ ഇടംപിടിക്കാനല്ല താൻ ഇത്തരമൊരു പ്രവൃത്തി ചെയ്തതെന്നും, താനൊരു മുൻകാല എസ്.എഫ്.ഐ, ഡി.വൈ.എഫ്.ഐ പ്രവർത്തകനാണെന്നും അദ്ദേഹം അവകാശപ്പെട്ടു. “ഞാൻ എസ്.എഫ്.ഐയിൽ പ്രവർത്തിച്ചിരുന്ന വ്യക്തിയാണ്. ഞാൻ നുഴഞ്ഞുകയറിയതാണെന്ന ഇപ്പോഴത്തെ പാർട്ടിക്കാരുടെ ആരോപണങ്ങൾ ശരിയല്ല. കോടിയേരി സഖാവിന്റെ ഫ്ലക്സ് എന്ന് വിചാരിച്ചല്ല, മറിച്ച് കോൺഗ്രസിന്റെ ഫ്ലക്സ് എന്ന് കരുതിയാണ് കീറിയത്. എന്റെ ഭാഗത്തുനിന്നുണ്ടായ ഈ തെറ്റിൽ എല്ലാവരോടും ഞാൻ ക്ഷമ ചോദിക്കുന്നു,” അക്ബർ ഷാ വ്യക്തമാക്കി.
അതേസമയം, കോടിയേരിയുടെ ഫ്ലക്സ് ബോർഡ് നശിപ്പിച്ചയാൾക്കെതിരെ കർശന നടപടിയെടുക്കണമെന്നും കേസെടുക്കണമെന്നും ആവശ്യപ്പെട്ട് എസ്.എഫ്.ഐ പോലീസിൽ ഔദ്യോഗികമായി പരാതി നൽകിയിട്ടുണ്ട്.
+ There are no comments
Add yours