യു.ഡി.എഫിൽ പ്രതിസന്ധി രൂക്ഷം; ‘നോക്കുകുത്തിയായി’ തുടരാനില്ല, കൺവീനർ സ്ഥാനം രാജിവെക്കാൻ ഒരുങ്ങി അടൂർ പ്രകാശ്

Estimated read time 0 min read

തിരുവനന്തപുരം: സർക്കാരിന്റെയും മുന്നണിയുടെയും പ്രവർത്തനങ്ങളിലുള്ള കടുത്ത അതൃപ്തി പരസ്യമാക്കി യു.ഡി.എഫ് കൺവീനർ അടൂർ പ്രകാശ് രാജിക്കൊരുങ്ങുന്നു. കൺവീനർ എന്ന നിലയിൽ താൻ ഏറെ അപമാനിക്കപ്പെട്ടുവെന്നും, മുന്നണിയിൽ ഒരു നോക്കുകുത്തിയായി ഇനി തുടരാനില്ലെന്നും വ്യക്തമാക്കി അദ്ദേഹം എ.ഐ.സി.സിക്ക് കത്ത് നൽകി. അടുത്തിടെ ഡൽഹി സന്ദർശിച്ച വേളയിൽ തന്നെ സ്ഥാനം ഒഴിയാനുള്ള സന്നദ്ധത അദ്ദേഹം ദേശീയ നേതൃത്വത്തെ അറിയിച്ചിരുന്നു.

സുപ്രധാന തീരുമാനങ്ങളടക്കം നടക്കുന്ന കാര്യങ്ങളെല്ലാം മാധ്യമങ്ങളിലൂടെ മാത്രമാണ് താൻ അറിയുന്നതെന്ന് അടൂർ പ്രകാശ് കുറ്റപ്പെടുത്തി. മുഖ്യമന്ത്രി സ്വന്തം ഇഷ്ടപ്രകാരമാണ് കാര്യങ്ങൾ തീരുമാനിക്കുന്നത്. പാർട്ടി പ്രവർത്തകർക്കും ഘടകകക്ഷികൾക്കും വേണ്ടിയാണ് ഈ പ്രതിസന്ധികൾ താൻ തുറന്നുപറയുന്നതെന്നും അദ്ദേഹം വ്യക്തമാക്കി.

അടൂർ പ്രകാശിന്റെ രാജിസന്നദ്ധത കോൺഗ്രസിനെയും യു.ഡി.എഫിനെയും കടുത്ത പ്രതിസന്ധിയിലാക്കിയിട്ടുണ്ട്. സർക്കാരിന്റെ ഏകപക്ഷീയമായ തീരുമാനങ്ങളിൽ അതൃപ്തി പ്രകടിപ്പിച്ച് മറ്റ് പല മുതിർന്ന നേതാക്കളും ഇതിനോടകം രംഗത്തെത്തിയിട്ടുണ്ട്. ഇതോടെ മുന്നണിക്കുള്ളിലെ ഭിന്നത കൂടുതൽ രൂക്ഷമായിരിക്കുകയാണ്.

+ There are no comments

Add yours