അടൂർ: അടൂർ നഗരമധ്യത്തിൽ അനധികൃതമായി കക്കൂസ് മാലിന്യം തള്ളിയ സംഘത്തെ നഗരസഭാ ആരോഗ്യ വിഭാഗം കയ്യോടെ പിടികൂടി. മാലിന്യം കൊണ്ടുവന്ന വാഹനത്തിൽ നിന്ന് മാരകായുധങ്ങളും കണ്ടെടുത്തു. സംഭവത്തിൽ ഒരാളെ പോലീസ് കസ്റ്റഡിയിലെടുത്തിട്ടുണ്ട്.
മാലിന്യം തള്ളുന്നതിനിടെ നഗരസഭാ ആരോഗ്യ വിഭാഗം ഉദ്യോഗസ്ഥർ അതിവിദഗ്ധമായി ഇവരെ പിടികൂടുകയായിരുന്നു. ഇതിനിടെ വാഹനത്തിലുണ്ടായിരുന്ന മറ്റൊരാൾ ഉദ്യോഗസ്ഥരുടെ കണ്ണുവെട്ടിച്ച് ഓടിരക്ഷപ്പെട്ടു. തുടർന്ന് പോലീസ് സ്ഥലത്തെത്തി വാഹനം കസ്റ്റഡിയിലെടുത്തു. ഈ വാഹനത്തിൽ നടത്തിയ പരിശോധനയിലാണ് മാരകായുധങ്ങൾ കണ്ടെത്തിയത്.
പിടിച്ചെടുത്ത വാഹനവും കസ്റ്റഡിയിലായ ആളും നിലവിൽ പോലീസിന്റെ നിയന്ത്രണത്തിലാണ്. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്. ഓടിരക്ഷപ്പെട്ട പ്രതിക്കായി തിരച്ചിൽ ഊർജ്ജിതമാക്കി. നഗരത്തിൽ മാലിന്യം തള്ളുന്നവർക്കെതിരെ കർശന നടപടികൾ തുടരുമെന്ന് നഗരസഭാ അധികൃതർ വ്യക്തമാക്കി.
+ There are no comments
Add yours