സംസ്ഥാനത്ത് റെക്കോര്‍ഡുകള്‍ തകർത്ത് കുതിക്കുന്ന സ്വര്‍ണവിലയില്‍ ഇന്നും വര്‍ധന. പവന് 160 രൂപ വര്‍ദ്ധിച്ചതോടെ സ്വര്‍ണ്ണവില 91,000 കടന്നു. 91,040 രൂപയാണ് ഒരു പവന് സ്വര്‍ണ്ണത്തിൻ്റെ വില. ഗ്രാമിന് 20 രൂപ വർദ്ധിച്ച് 11,380 രൂപയായി. ഇന്നലെയാണ് സ്വര്‍ണ്ണവില ആദ്യമായി 90,000 കടന്നത്.
സെപ്റ്റംബര്‍ 9 നാണ് സ്വര്‍ണ്ണവില ആദ്യമായി 80,000 പിന്നിട്ടത്. തുടര്‍ന്നുള്ള ഓരോ ദിവസവും റെക്കോര്‍ഡുകള്‍ ഭേദിച്ച് സ്വര്‍ണവില കുതിക്കുന്ന കാഴ്ചയാണ് ദൃശ്യമായത്. ഒരു മാസത്തിനിടെ പവന് 10000 രൂപയിലധികമാണ് വര്‍ദ്ധിച്ചത്. ഇന്നലെ മാത്രം രണ്ടു തവണകളായി 1400 രൂപയാണ് വര്‍ധിച്ചത്.
+ There are no comments
Add yours