കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഒന്നാണ് കേക്ക്. ഓവൻ ഇല്ലാതെ തന്നെ, വീട്ടിലുള്ള ചുരുങ്ങിയ ചേരുവകൾ ഉപയോഗിച്ച് എളുപ്പത്തിൽ ഒരു വെറൈറ്റി പഴം-റവ കേക്ക് തയ്യാറാക്കിയാലോ? തികച്ചും ആരോഗ്യകരവും പഞ്ഞിപോലെ മൃദുവുമായ ഈ നാലുമണി പലഹാരം എങ്ങനെ ഉണ്ടാക്കാമെന്ന് നോക്കാം.
ആവശ്യമുള്ള ചേരുവകൾ:
- ചെറുപഴം – 3 എണ്ണം (ചെറുതായി അരിഞ്ഞത്)
- വറുത്ത റവ – 1 ¾ കപ്പ്
- നിലക്കടല (കപ്പലണ്ടി) – ½ കപ്പ്
- ശർക്കരപ്പൊടി – ¼ കപ്പ്
- പഞ്ചസാര – ¼ കപ്പ്
- പാൽ (അല്ലെങ്കിൽ തേങ്ങാപ്പാൽ) – ½ കപ്പ്
- ഏലക്ക – 3 എണ്ണം
- പാൽപ്പൊടി – ആവശ്യത്തിന്
- നെയ്യ് / ബട്ടർ – 1 ടേബിൾ സ്പൂൺ
- മഞ്ഞൾപ്പൊടി – ഒരു നുള്ള്
- ബേക്കിംഗ് സോഡ (സോഡാപ്പൊടി) – ഒരു നുള്ള്
- ഉപ്പ് – ഒരു നുള്ള്
- വെള്ളം – ¾ കപ്പ്
തയ്യാറാക്കുന്ന വിധം:
- മിക്സിയുടെ ജാറിലേക്ക് അരിഞ്ഞ പഴം, നിലക്കടല, ഏലക്ക, പാൽപ്പൊടി, ശർക്കരപ്പൊടി, പഞ്ചസാര, ഒരു നുള്ള് ഉപ്പ്, പാൽ എന്നിവ ചേർത്ത് നന്നായി അരച്ചെടുക്കുക.
- ഒരു പാത്രത്തിൽ വറുത്ത റവയെടുത്ത് അതിലേക്ക് ഒരു നുള്ള് സോഡാപ്പൊടി, കാൽ ടീസ്പൂൺ മഞ്ഞൾപ്പൊടി, ഒരു ടേബിൾ സ്പൂൺ നെയ്യ് അല്ലെങ്കിൽ ബട്ടർ എന്നിവ ചേർക്കുക.
- ഇതിലേക്ക് മിക്സിയിൽ അരച്ചെടുത്ത പഴത്തിന്റെ കൂട്ട് ചേർക്കുക. ശേഷം മുക്കാൽ കപ്പ് വെള്ളം കൂടി ഒഴിച്ച് കട്ടയില്ലാതെ നന്നായി ഇളക്കി യോജിപ്പിക്കുക.
- റവ നന്നായി കുതിർന്നു കിട്ടുന്നതിനായി തയ്യാറാക്കിയ ഈ മാവ് 30 മിനിറ്റ് നേരം മൂടി വെക്കാം.
- അരമണിക്കൂറിന് ശേഷം, ഒരു പ്രഷർ കുക്കറിന്റെ ഉൾഭാഗത്ത് അല്പം നെയ്യ് തടവി തയ്യാറാക്കിവെച്ച മാവ് അതിലേക്ക് ഒഴിക്കുക.
- കുക്കർ അടച്ച് ഏറ്റവും കുറഞ്ഞ തീയിൽ (Low flame) 20 മുതൽ 25 മിനിറ്റ് വരെ വേവിക്കുക. (ഓവൻ ഉപയോഗിച്ച് ബേക്ക് ചെയ്തും എടുക്കാവുന്നതാണ്).
- വെന്തതിന് ശേഷം തീ അണച്ച്, നന്നായി ചൂടാറിയ ശേഷം മാത്രം കുക്കർ തുറക്കുക.
രുചികരമായ പഴം-റവ കേക്ക് തയ്യാർ. ഇത് ചായയ്ക്കൊപ്പം വിളമ്പാവുന്നതാണ്.
+ There are no comments
Add yours