സ്റ്റേറ്റ് പോലീസ് മീഡിയ സെൻ്റർ
വാർത്താക്കുറിപ്പ്
15.08.2026
ഓപ്പറേഷന് തൂഫാന്:
61 പേര് കൂടി അറസ്റ്റില്
ആകെ അറസ്റ്റിലായവരുടെ എണ്ണം 9757
ഓപ്പറേഷന് തൂഫാന്റെ ഭാഗമായി സംസ്ഥാന വ്യാപകമായി നടത്തിയ പരിശോധനയില് 56 കേസുകളിലായി 61 പേര് കൂടി അറസ്റ്റിലായി. ഇതോടെ ഓപ്പറേഷന് തൂഫാന്റെ ഭാഗമായി എടുത്ത കേസുകളുടെ എണ്ണം 9047 ആയി ഉയര്ന്നു. ആകെ 9757 അറസ്റ്റുകളാണ് ഇതുവരെ നടന്നത്. ഇതുവരെ 7460.567 ഗ്രാം എം.ഡി.എം.എയും 958.107 കി.ഗ്രാം കഞ്ചാവും 4720.909 ഗ്രാം ഹാഷിഷ് ഓയിലും 1880 കഞ്ചാവ് ചെടികളും പിടിച്ചെടുത്തിട്ടുണ്ട്.കഴിഞ്ഞ ദിവസം രജിസ്റ്റര് ചെയ്ത കേസുകളില് സ്മാള് ക്വാണ്ടിറ്റി കൈവശം വച്ചതിന് 10 കേസുകളും മീഡിയം ക്വാണ്ടിറ്റി കൈവശം വച്ചതിന് ഏഴ് കേസും കൊമേഴ്ഷ്യല് ക്വാണ്ടിറ്റി കൈവശം വച്ചതിന് മൂന്ന് കേസുകളും 27 എന്.ഡി.പി.എസ് ആക്ട് പ്രകാരം 36 കേസുകളും കോട്പ പ്രകാരം 26 കേസുകളും രജിസ്റ്റര് ചെയ്തിട്ടുണ്ട്. ഇവരില് നിന്ന് 174.387 ഗ്രാം എം.ഡി.എം.എയും 33.929 കി.ഗ്രാം കഞ്ചാവും 14.25 ഗ്രാം ഹാഷിഷ് ഓയിലും രണ്ട് കഞ്ചാവ് ചെടികളും പിടിച്ചെടുത്തു. ഓപ്പറേഷന് തൂഫാന്റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 56 ബോധവത്ക്കരണ ക്ലാസുകള് നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 8929 ഉം കൗണ്സിലിങ്ങുകളുടെ എണ്ണം 559 ഉം ആണ്. സ്കൂള്, കോളേജ് പ്രൊട്ടക്ഷന് ഗ്രൂപ്പുകളുടെ നേതൃത്വത്തില് ആകെ 6421 ബോധവത്ക്കരണ പരിപാടികളും നടത്തി. ലഹരി വിപണനത്തെക്കുറിച്ചുള്ള വിവരങ്ങള് പൊതുജനങ്ങള്ക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങള് രഹസ്യമായി സൂക്ഷിക്കും.
ഡോ. അഞ്ചല് കൃഷ്ണകുമാര്,
ഡെപ്യൂട്ടി ഡയറക്ടര്,
സ്റ്റേറ്റ് പോലീസ് മീഡിയ സെന്റര്
+ There are no comments
Add yours