ഓപ്പറേഷന് തൂഫാന്: ഇന്നലെ 263 പേർ അറസ്റ്റിൽ
247 കേസുകളെടുത്തു
തിരുവനന്തപുരം ഓപ്പറേഷന് തൂഫാന്റെ ഭാഗമായി സംസ്ഥാന വ്യാപകമായി നടത്തിയ പരിശോധനയില് 263 പേര് അറസ്റ്റിലായി, 247 കേസുകള് രജിസ്റ്റര് ചെയ്തു. രജിസ്റ്റര് ചെയ്ത കേസുകളില് സ്മാള് ക്വാണ്ടിറ്റി കൈവശം വെച്ചതിന് 114 കേസുകളും മീഡിയം ക്വാണ്ടിറ്റി കൈവശം വെച്ചതിന് നാല് കേസുകളും കൊമേര്ഷ്യല് ക്വാണ്ടിറ്റി കൈവശം വെച്ചതിന് അഞ്ച് കേസും 27 എന്.ഡി.പി.എസ് ആക്ട് പ്രകാരം 124 കേസുകളും കോട്പ
(COT PA) പ്രകാരം 164 കേസുകളും രജിസ്റ്റര് ചെയ്തിട്ടുണ്ട്. ഇവരില് നിന്ന് 523.413 ഗ്രാം എം.ഡി.എം.എയും 20.284 കി.ഗ്രാം കഞ്ചാവും 8.75 ഗ്രാം ഹാഷിഷ് ഓയിലും 2.4 ഗ്രാം ഹെറോയിനും പിടിച്ചെടുത്തു.
ഓപ്പറേഷന് തൂഫാന്റെ ഭാഗമായി ഇതുവരെ 7115 കേസുകളാണ് രജിസ്റ്റര് ചെയ്തത്. ആകെ 7638 അറസ്റ്റുകള് നടന്നു. ഇതുവരെ പിടിച്ചെടുത്ത എം.ഡി.എം.എ -5752.50 ഗ്രാം, കഞ്ചാവ്- 602.26 കി.ഗ്രാം, ഹാഷിഷ് ഓയില്- 3906.139 ഗ്രാം, ബ്രൗണ് ഷുഗര്- 690.669 ഗ്രാം.
ഓപ്പറേഷന് തൂഫാന്റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 93 ബോധവത്ക്കരണ ക്ലാസുകള് നടത്തി. ഇതുവരെ നടത്തിയ ആകെ ബോധവല്ക്കരണ ക്ലാസ്സുകളുടെ എണ്ണം 7202 ഉം കൗണ്സിലിങ്ങുകളുടെ എണ്ണം 364 ഉം ആണ്. സ്കൂള്, കോളേജ് പ്രൊട്ടക്ഷന് ഗ്രൂപ്പുകളുടെ നേതൃത്വത്തില് ആകെ 5553 ബോധവത്ക്കരണ പരിപാടികളും നടത്തി.
ലഹരി വിപണനത്തെക്കുറിച്ചുള്ള വിവരങ്ങള് പൊതുജനങ്ങള്ക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങള് രഹസ്യമായി സൂക്ഷിക്കും.
+ There are no comments
Add yours