*ഗുണ്ടകൾക്കെതിരെ പിടിമുറുക്കി തൃശൂർ റൂറൽ ജില്ലാ പോലീസ്. 9 ഗുണ്ടകൾക്കെതിരെ കാപ്പ ചുമത്തി 3 പേരെ പോലീസ് സ്റ്റേഷനിൽ ഹാജരാകുന്നതിന് നിർദ്ദേശിച്ചു, 3 പേരെ തൃശൂർ ജില്ലയിൽ നിന്നും നാടുകടത്തി, 3 പേരെ ജയിലിലടച്ചു,*
1)അന്തിക്കാട് പോലീസ് സ്റ്റേഷൻ പരിധിയിലെ കുപ്രസിദ്ധ ഗുണ്ട കിഴുപ്പിളളിക്കര സ്വദേശി ബ്രാവോ എന്നറിയപ്പെടുന്ന ഏങ്ങാണ്ടി വീട്ടിൽ അനന്തകൃഷ്ണൻ (22 വയസ്സ്), 2)കൈപ്പമംഗലം പോലീസ് സ്റ്റേഷൻ പരിധിയിലെ കുപ്രസിദ്ധ ഗുണ്ട എടത്തിരുത്തി പുളിഞ്ചോട് സ്വദേശി കൊണ്ട്രപ്പശ്ശേരി വീട്ടിൽ റോഹൻ (38 വയസ്സ്) 3) കൈപ്പമംഗലം പോലീസ് സ്റ്റേഷൻ പരിധിയിലെ കുപ്രസിദ്ധ ഗുണ്ട കൈപ്പമംഗലം ചളിങ്ങാട് സ്വദേശി വൈപ്പിക്കാട്ടിൽ അജ്മൽ (38 വയസ്സ്) എന്നിവരെ കാപ്പ ചുമത്തി ജയിലിലടച്ചു.
അനന്തകൃഷ്ണൻ, റോഹൻ എന്നിവർ പഴുവിൽ ഷഷ്ഠിയോടനുബന്ധിച്ച് നടന്ന ആക്രമണത്തിൽ പ്രധാന പ്രതികളായിരുന്നു. അനന്തകൃഷ്ണൻ 2020, 2023, 2024 എന്നീ വർഷങ്ങളിൽ അന്തിക്കാട് പോലീസ് സ്റ്റേഷൻ പരിധിയിൽ 3 അടിപിടിക്കേസും, 2024 ൽ ഒരു വധശ്രമക്കേസും, 2024 ൽ ഒരു കഞ്ചാവ് വിൽപ്പന കേസ്സും, 2024 ൽ കാട്ടൂർ പോലീസ് സ്റ്റേഷൻ പരിധിയിൽ പോലീസിനെ ആക്രമിച്ച കേസ്സുൾപ്പടെ 14 ഓളം കേസ്സുകളിൽ പ്രതിയാണ്. റോഹൻ മതിലകം പോലീസ് സ്റ്റേഷൻ ലിമിറ്റിൽ 2011, 2012, 2014 എന്നീ വർഷങ്ങളിൽ 3 അടിപിടിക്കേസ്സും, 2018 ൽ ഒരു ആത്മഹത്യാ പ്രേരണ കേസ്സും, കൈപ്പമംഗലം പോലീസ് സ്റ്റേഷൻ പരിധിയിൽ 2022 ൽ ഒരു വധശ്രമക്കേസും, 2019 ൽ ഒരു അടിപിടിക്കേസ്സും, 2023 ൽ ഒരു കവർച്ചാക്കേസ്സും, പഴുവിൽ ഷഷ്ഠിയോടനുബന്ധിച്ച് നടന്ന അക്രമക്കേസ്സുകളും ഉൾപ്പെടെ 14 ഓളം കേസ്സുകളിൽ പ്രതിയാണ്. അജ്മൽ കൈപ്പമംഗലം പോലീസ് സ്റ്റേഷനിൽ 2019 ൽ അടിപിടിക്കേസ്സും, 2021, 2024 വർഷങ്ങളിൽ 2 വധശ്രമക്കേസ്സുകളും, 2022 ൽ കാട്ടൂർ പോലീസ് സ്റ്റേഷൻ പരിധിയിൽ ഒരു അടിപിടിക്കേസ്സും, 2018 ൽ മതിലകം പോലീസ് സ്റ്റേഷനിൽ ഒരു കളവ് കേസ്സും അടക്കം 15 കേസ്സുകളിലെ പ്രതിയാണ്.
1) കാട്ടൂർ പോലീസ് സ്റ്റേഷനിലെ കുപ്രസിദ്ധ ഗുണ്ടകളായ പൂമംഗലം എടക്കുളം സ്വദേശി ഈശ്വരമംഗലത്ത് അഖിനേഷ് (24 വയസ്സ്)
2) കാറളം വെളളാനിപട്ടന്റെ കുന്ന് സ്വദേശി ചിമ്പു വെളിയത്ത് വീട്ടിൽ സനൽ (29 വയസ്സ്)
3) വലപ്പാട് കഴിമ്പ്രം സുനാമി കോളനി സ്വദേശി ചാരുച്ചെട്ടി വീട്ടിൽ ആദർശ് (20 വയസ്സ്) എന്നിവരെ കാപ്പ ചുമത്തി തൃശൂർ ജില്ലയിൽ നിന്നും നാടുകടത്തി.
അഖിനേഷിന് കാട്ടൂർ പോലീസ് സ്റ്റേഷൻ പരിധിയിൽ 2020 ൽ വിഷ്ണുവാഹിദിനെ കൊലപ്പെടുത്തിയ കേസ്സിലും, 2021 ൽ ഒരു വധശ്രമക്കേസും, 2021 ൽ ഒരു കഞ്ചാവ് വിൽപ്പനക്കേസും, 2024 ൽ ഇരിങ്ങാലക്കുട പോലീസ് സ്റ്റേഷൻ പരിധിയിലെ ഒരു അടിപിടിക്കേസ്സിലും ഉൾപ്പെടെ 5 ക്രിമിനൽ കേസ്സിലെ പ്രതിയാണ്. സനൽ കാട്ടൂർ പോലീസ് സ്റ്റേഷൻ പരിധിയിൽ 2016, 2020, 2023 വർഷങ്ങളിൽ 3 അടിപടിക്കേസ്സും, 2024 ൽ ഒരു വധശ്രമക്കേസ്സും ഉൾപ്പെട 5 ഓളം ക്രിമിനൽ കേസ്സുകളിൽ പ്രതിയാണ്. ആദർശ് വലപ്പാട് പോലീസ് സ്റ്റേഷൻ പരിധിയിൽ 2023, 2024 വർഷങ്ങളിൽ അടിപിടക്കേസ്സ്, 2024 ൽ ഒരു വധശ്രമക്കേസ്സടക്കം 4 ഓളം കേസ്സുകളിൽ പ്രതിയാണ്.
1) വെളളാങ്കല്ലൂർ സ്വദേശി എണ്ണ ദിനേശൻ എന്നറിയപ്പെടുന്ന മൂത്തേരി വീട്ടിൽ ദിനേശൻ (54 വയസ്സ്)
2) മാപ്രാണം ബ്ലോക്ക് സ്വദേശി ഏറ്റത്ത് സുവർണ്ണൻ (46 വയസ്സ്)
3) അഴിക്കോട് മേനോൻ ബസാർ സ്വദേശി മായാവി എന്നറിയപ്പെടുന്ന ചൂളക്കപറമ്പിൽ നിസാഫ്
എന്നിവരെ എല്ലാ ആഴ്ചയിലും പോലീസ് സ്റ്റേഷനിൽ ഹാജരാകുന്നതിന് കാപ്പ നിയമപ്രകാരം ഉത്തരവായി.
ദിനേശൻ ഇരിങ്ങാലക്കുട പോലീസ് സ്റ്റേഷൻ പരിധിയിൽ 2019, 2021, 2024 വർഷങ്ങളിൽ 3 തട്ടിപ്പ് കേസ്സിലും, 2024 ൽ ഒരു
അടിപിടിക്കേസ്സിലും, 2024 ൽ കൊടുങ്ങല്ലൂർ പോലീസ് സ്റ്റേഷൻ പരിധിയിലെ കിഡ്നാപ്പിങ്ങ് കേസ്സടക്കം 7 കേസ്സുകളിലെ പ്രതിയാണ്. സുവർണ്ണൻ 2005 ൽ പുതുക്കാട് പോലീസ് സ്റ്റേഷൻ പരിധിയിൽ ഒരു കവർച്ചാക്കേസ്സിലും, 2019 ൽ മാള പോലീസ് സ്റ്റേഷൻ പരിധിയിൽ ഒരു തട്ടിപ്പ് കേസ്സിലും, 2022, 2024 വർഷങ്ങളിൽ ഇരിങ്ങാലക്കുട പോലീസ് സ്റ്റേഷൻ പരിധിയിൽ അടിപിടി കേസ്സിലും അടക്കം 6 കേസ്സുകളിലെ പ്രതിയാണ്. നിസാഫ് കൊടുങ്ങല്ലൂർ പോലീസ് സ്റ്റേഷൻ പരിധിയിൽ 2018, 2023, 2024 വർഷങ്ങളിൽ 3 അടിപിടിക്കേസ്സുലും 2024 ൽ മതിലകം പോലീസ് സ്റ്റേഷൻ പരിധിയിൽ ഒരി അടിപിടിക്കേസ്സിലും ഉൾപ്പടെ 5 കേസ്സുകളിലും പ്രതിയാണ്.
തൃശൂർ റേഞ്ച് DIG ഹരിശങ്കർ IPS ന്റെ മേൽ നോട്ടത്തിൽ, ജില്ലാ പോലീസ് മേധാവി B. കൃഷ്ണകുമാർ IPS ന്റെ നേതൃത്വത്തിൽ തൃശൂർ റൂറൽ പോലീസ് “ഓപ്പറേഷൻ കാപ്പ” പ്രകാരം ഗുണ്ടകൾക്കെതിരെ സ്വീകരിക്കുന്ന കർശന നടപടികളുടെ ഭാഗമായാണ് 9 ഗുണ്ടകൾക്കെതിരെ കാപ്പ ചുമത്തിയത്. B. കൃഷ്ണകുമാർ IPS ജില്ലാ പോലീസ് മേധാവിയായി ചുമതലയേറ്റ ശേഷം 9 ഗുണ്ടകളെ കാപ്പ ചുമത്തി ജയിലിലടച്ചു. 15 പേർക്കെതിരെ കാപ്പ പ്രകാരം നാടു കടത്തിയും, മറ്റുുമളള നടപടികൾ സ്വീകരിച്ചിട്ടുണ്ട്. “ഓപ്പറേഷൻ കാപ്പ” പ്രകാരം കൂടുതൽ ഗുണ്ടകൾക്കെതിരെ നടപടി സ്വീകരിക്കുന്നുണ്ട്.


+ There are no comments
Add yours