ഗുവാഹത്തി: ഇന്ത്യൻ വനിതാ ക്രിക്കറ്റ് ടീമിന്റെ ക്യാപ്റ്റൻ സ്ഥാനത്തുനിന്നും ഹർമൻപ്രീത് കൗർ പടിയിറങ്ങി. നായികയെന്ന നിലയിൽ തന്റെ ദീർഘകാലത്തെ സേവനം അവസാനിപ്പിക്കുകയാണെന്നും, ഇനി മുതൽ ക്രിക്കറ്റിനോടുള്ള ഇഷ്ടം കൊണ്ടുമാത്രമാകും താൻ കളത്തിലിറങ്ങുകയെന്നും രാജി പ്രഖ്യാപിച്ചുകൊണ്ട് അവർ വ്യക്തമാക്കി.
ചൊവ്വാഴ്ച ഗുവാഹത്തിയിൽ നടന്ന ബി.സി.സി.ഐ അവലോകന യോഗത്തിന് പിന്നാലെയാണ് ഹർമൻപ്രീത് തീരുമാനം അറിയിച്ചത്. സമീപകാലത്തെ ടീമിന്റെ പ്രകടനം വിലയിരുത്തുന്നതിനായി ബി.സി.സി.ഐ സെക്രട്ടറി ദേവജിത് സൈകിയയുടെ അധ്യക്ഷതയിലായിരുന്നു യോഗം ചേർന്നത്. ഹർമൻപ്രീതിന് പുറമെ വൈസ് ക്യാപ്റ്റൻ സ്മൃതി മന്ദാന, മുഖ്യ പരിശീലകൻ അമോൽ മജുംദാർ എന്നിവരും യോഗത്തിൽ പങ്കെടുത്തിരുന്നു.
2016-ൽ ടി20 ടീമിന്റെ നായികയായാണ് ഹർമൻപ്രീത് ക്യാപ്റ്റൻസിയിലേക്ക് ചുവടുവെക്കുന്നത്. തുടർന്ന് 2022-ൽ ഏകദിന ടീമിന്റെയും, 2023-ഓടെ ടെസ്റ്റ് ഉൾപ്പെടെ മൂന്ന് ഫോർമാറ്റുകളുടെയും പൂർണ്ണ ചുമതലയുള്ള ക്യാപ്റ്റനായി അവർ മാറി. ഏതാണ്ട് ഒരു ദശാബ്ദക്കാലം നീണ്ട നായകസ്ഥാനത്തിന് ശേഷമാണ് അവർ ഇപ്പോൾ പടിയിറങ്ങുന്നത്.
+ There are no comments
Add yours