മാള മെറ്റ്സ് എഞ്ചിനീയറിംഗ് കോളേജിൽ അസിസ്റ്റൻ്റ് പ്രൊഫസർ നിയമനം; മെക്കാനിക്കൽ, ബയോടെക്നോളജി ബിരുദാനന്തര ബിരുദധാരികൾക്ക് അവസരം

തൃശൂർ: മാളയിലുള്ള മെറ്റ്സ് സ്കൂൾ ഓഫ് എൻജിനീയറിങ്ങിൽ (MET’s School of Engineering) അസിസ്റ്റൻ്റ് പ്രൊഫസർ തസ്തികകളിലേക്ക് യോഗ്യരായ ഉദ്യോഗാർത്ഥികളിൽ നിന്ന് അപേക്ഷ ക്ഷണിച്ചു. മെക്കാനിക്കൽ എഞ്ചിനീയറിംഗ്, ബയോടെക്നോളജി എന്നീ ഡിപ്പാർട്ട്മെന്റുകളിലാണ് നിലവിൽ ഒഴിവുകളുള്ളത്.

യോഗ്യതയും ഒഴിവുകളും

ബന്ധപ്പെട്ട വിഷയങ്ങളിൽ കുറഞ്ഞത് 60 ശതമാനം മാർക്കോടെയുള്ള എം.ടെക് (M.Tech) ബിരുദമാണ് അപേക്ഷിക്കാനുള്ള അടിസ്ഥാന യോഗ്യത. ഓരോ ഡിപ്പാർട്ട്മെന്റിലും രണ്ട് വീതം ഒഴിവുകളാണുള്ളത്. ഉദ്യോഗാർത്ഥികളുടെ അക്കാദമിക് യോഗ്യതയും പ്രവൃത്തിപരിചയവും അടിസ്ഥാനമാക്കി ആകർഷകമായ ശമ്പളം ലഭിക്കുന്നതായിരിക്കും.

അപേക്ഷിക്കേണ്ട വിധം

താല്പര്യമുള്ള ഉദ്യോഗാർത്ഥികൾ തങ്ങളുടെ ബയോഡാറ്റ (CV) careers@metsengg.ac.in എന്ന ഇ-മെയിൽ വിലാസത്തിലേക്ക് അയക്കേണ്ടതാണ്. അപേക്ഷകൾ സ്വീകരിക്കുന്ന അവസാന തീയതി നവംബർ 17 ആണ്.

നിയമനവുമായി ബന്ധപ്പെട്ട കൂടുതൽ വിവരങ്ങൾക്ക് https://www.metsengg.ac.in/careers എന്ന ഔദ്യോഗിക വെബ്സൈറ്റ് സന്ദർശിക്കുകയോ, 9188400951, 9446278191 എന്നീ മൊബൈൽ നമ്പറുകളിൽ ബന്ധപ്പെടുകയോ ചെയ്യാവുന്നതാണെന്ന് മെറ്റ്സ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് അക്കാദമിക് ഡയറക്ടർ ഡോ. ആറ്റൂർ സുരേന്ദ്രൻ അറിയിച്ചു.