ഇറാനിലെ പിക്ക്ആക്സ് മൗണ്ടൻ അടക്കമുള്ള നാല് പ്രധാന ആണവ കേന്ദ്രങ്ങൾ തങ്ങളുടെ സൂക്ഷ്മനിരീക്ഷണത്തിലാണെന്ന് അമേരിക്ക വ്യക്തമാക്കി. ഇസ്രയേലിൽ തിരഞ്ഞെടുപ്പ് അടുത്തിരിക്കുന്ന സാഹചര്യത്തിൽ ഇറാൻ ആക്രമണത്തിന് മുതിർന്നേക്കാമെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ആരോപിച്ചു. എന്നാൽ, അമേരിക്കയും ഇസ്രയേലും ഉയർത്തുന്ന യുദ്ധഭീഷണികളെ ഭയക്കുന്നില്ലെന്നും ഒന്നിനും മുന്നിൽ പതറില്ലെന്നുമാണ് ഇറാന്റെ പ്രതികരണം.
ഇതിനിടെ, ഇന്ത്യൻ മഹാസമുദ്രത്തിൽ 40 ഇറാൻ നാവികരെ ശ്രീലങ്കൻ നാവികസേന രക്ഷപ്പെടുത്തി. ശ്രീലങ്കൻ തീരത്തിന് സമീപം 19 വാണിജ്യ കപ്പലുകളിൽ നിന്നാണ് ഇവരെ സുരക്ഷിതമായി മാറ്റിയത്. ഇറാൻ എംബസി നൽകിയ അടിയന്തര അഭ്യർത്ഥനയെ തുടർന്നായിരുന്നു നാവികസേനയുടെ ഈ ഇടപെടൽ. ഗാലെ തുറമുഖത്ത് എത്തിച്ച നാവികർ പിന്നീട് ഇറാനിലേക്ക് മടങ്ങി. മെഡിക്കൽ എമർജൻസിയാണ് രക്ഷാപ്രവർത്തനത്തിന് കാരണമായതെന്നാണ് പ്രാഥമിക റിപ്പോർട്ടുകളെങ്കിലും, ഇതിന്റെ കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല.
+ There are no comments
Add yours