തിരുവനന്തപുരം: മെസി വിഷയത്തിൽ വലിയ വഞ്ചനയാണ് നടന്നതെന്ന് കെ. മുരളീധരൻ. വരാത്ത മെസി കേരളത്തിലെത്തുമെന്ന് പ്രചാരണം നടത്തി ജനങ്ങളെ തെറ്റിദ്ധരിപ്പിച്ചെന്നും സ്റ്റേഡിയം നവീകരണത്തിന്റെ പേരിൽ കോടികൾ തട്ടിയെടുത്തെന്നുമാണ് ആരോപണമെന്നും അദ്ദേഹം പറഞ്ഞു. എസ്.ഐ.ടി റിപ്പോർട്ടിന്റെ അടിസ്ഥാനത്തിലാണ് കേസെടുത്തതെന്നും ഗവർണറുടെ അനുമതി ലഭിച്ചിരുന്നുവെന്നും കെ. മുരളീധരൻ വ്യക്തമാക്കി. ഇത്തരം നടപടികൾ അംഗീകരിക്കാനാകില്ലെന്നും കുറ്റക്കാർക്കെതിരെ സർക്കാർ ശക്തമായ നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.
അതേസമയം, മുഖ്യമന്ത്രി വി.ഡി. സതീശന് പൂർണ പിന്തുണ പ്രഖ്യാപിച്ചും കെ. മുരളീധരൻ രംഗത്തെത്തി. മന്ത്രിസഭാ യോഗത്തിലെ തർക്കങ്ങളെച്ചൊല്ലിയുള്ള ചർച്ചകളിൽ കാര്യമില്ലെന്നും ആരൊക്കെ എന്ത് നീക്കം നടത്തിയാലും മുഖ്യമന്ത്രി ശക്തമായി മുന്നോട്ടുപോകുമെന്നും അദ്ദേഹം പറഞ്ഞു. അഞ്ചുവർഷം വി.ഡി. സതീശൻ തുടരുമെന്നും കെ. മുരളീധരൻ വ്യക്തമാക്കി. ജനാധിപത്യ സംവിധാനത്തിൽ വിമർശനങ്ങൾ സ്വാഭാവികമാണ്. മുഖ്യമന്ത്രിക്ക് മന്ത്രിസഭയുടെയും ജനങ്ങളുടെയും പിന്തുണയുണ്ടെന്നും അദ്ദേഹം കൂട്ടിച്ചേർത്തു. നിലയ്ക്കലിൽ പൊലീസ് ഉദ്യോഗസ്ഥൻ ഡ്രൈവറെ മർദ്ദിച്ച സംഭവത്തിലും ശക്തമായ നടപടി സ്വീകരിക്കുമെന്ന് കെ. മുരളീധരൻ പറഞ്ഞു.





+ There are no comments
Add yours