ന്യൂഡൽഹി: ഇന്ത്യൻ ഒളിമ്പിക് അസോസിയേഷൻ (IOA) തിരഞ്ഞെടുപ്പിൽ വീണ്ടും മത്സരരംഗത്തിറങ്ങി ഇതിഹാസ കായിക താരം പി.ടി ഉഷ. ഐ.ഒ.എ ജനറൽ അസംബ്ലിയിലേക്കുള്ള പ്രതിനിധിയായാണ് ഐസ് ഹോക്കി അസോസിയേഷൻ പി.ടി ഉഷയെ ഇപ്പോൾ നാമനിർദ്ദേശം ചെയ്തിരിക്കുന്നത്. നേരത്തെ മറ്റൊരു തിരഞ്ഞെടുപ്പിൽ നേരിട്ട പരാജയത്തിന് പിന്നാലെയാണ് ഉഷയുടെ ഈ നിർണായക തിരിച്ചുവരവ്.
പരാജയത്തിന് പിന്നാലെ പുതിയ നീക്കം
അടുത്തിടെ നടന്ന ‘സ്പോർട്സ് പേഴ്സൺ ഓഫ് മെറിറ്റ്’ തിരഞ്ഞെടുപ്പിൽ പി.ടി ഉഷ അപ്രതീക്ഷിതമായി പരാജയപ്പെട്ടിരുന്നു. വനിതാ വിഭാഗത്തിൽ എതിർ സ്ഥാനാർത്ഥിയെ നിർത്തി മത്സരം സൃഷ്ടിച്ച് ബി.ജെ.പി ഉഷയെ തോൽപ്പിക്കുകയായിരുന്നുവെന്ന ആരോപണവും ഇതിന് പിന്നാലെ ശക്തമായിരുന്നു. ഈ തിരിച്ചടിക്ക് ശേഷമാണ് ഐസ് ഹോക്കി അസോസിയേഷന്റെ പിന്തുണയോടെ ഇന്ത്യൻ ഒളിമ്പിക് അസോസിയേഷൻ ഭരണസമിതിയിലേക്ക് വീണ്ടുമെത്താനുള്ള പി.ടി ഉഷയുടെ പുതിയ നീക്കം.
+ There are no comments
Add yours