കൊച്ചി: എറണാകുളത്ത് ലഹരിക്കടത്ത് സംഘത്തെ പിടികൂടാൻ ശ്രമിക്കുന്നതിനിടെ പൊലീസുകാരെ കാറിടിച്ച് വീഴ്ത്തി. എളമക്കര പൊലീസ് സ്റ്റേഷന് സമീപത്തുവെച്ചായിരുന്നു സംഭവം. ഡാൻസാഫ് (DANSAF) സംഘം പിന്തുടർന്ന കാർ, പൊലീസുകാർ സഞ്ചരിച്ചിരുന്ന ബൈക്ക് തട്ടിയിടുകയായിരുന്നു. അപകടത്തിൽ രണ്ട് പൊലീസുകാർക്ക് പരുക്കേറ്റു. ഇവരുടെ പരുക്ക് ഗുരുതരമല്ല.
സംഭവത്തിൽ കാറോടിച്ചിരുന്ന മൂത്തകുന്നം സ്വദേശി പ്രതീഷ് പ്രഭാകരനെ പൊലീസ് കസ്റ്റഡിയിലെടുത്തു. വാഹനം തടയാൻ ശ്രമിച്ച ഉദ്യോഗസ്ഥരെ ഇയാൾ ആക്രമിക്കാനും ശ്രമിച്ചിരുന്നു. തുടർന്ന് നടത്തിയ പരിശോധനയിൽ കാറിനുള്ളിൽ നിന്ന് 32 ഗ്രാം എം.ഡി.എം.എ (MDMA) പൊലീസ് കണ്ടെടുത്തു. പ്രതിക്കെതിരെ ലഹരിക്കടത്തിനും പൊലീസുകാരെ ആക്രമിച്ചതിനും കേസെടുത്തിട്ടുണ്ട്.
+ There are no comments
Add yours