രമ്യ ഹരിദാസ് എം.എൽ.എയുടെ പേഴ്സണൽ സ്റ്റാഫിൽ നിന്ന് കൂട്ടരാജി. പേഴ്സണൽ അസിസ്റ്റന്റിന് (പി.എ) പിന്നാലെ എം.എൽ.എയുടെ ഡ്രൈവറായ കുഞ്ഞുമുഹമ്മദും രാജിവെച്ചു. രമ്യ ഹരിദാസുമായുള്ള അഭിപ്രായവ്യത്യാസങ്ങളെ തുടർന്നാണ് രാജിയെന്നാണ് പുറത്തുവരുന്ന സൂചനകൾ.
നേരത്തെ എം.എൽ.എയുടെ പി.എ ആയിരുന്ന വിമലും സ്ഥാനം രാജിവെച്ചിരുന്നു. വ്യക്തിപരമായ ആവശ്യങ്ങളെ തുടർന്നാണ് രാജിയെന്നാണ് ഔദ്യോഗിക വിശദീകരണമെങ്കിലും, എം.എൽ.എയുമായി ചേർന്നുപോകാൻ കഴിയാത്ത സാഹചര്യത്തിലാണ് ഇദ്ദേഹവും പടിയിറങ്ങിയതെന്നാണ് റിപ്പോർട്ടുകൾ. കോൺഗ്രസ്‌ അനുകൂല സർവീസ് സംഘടനാ നേതാവ് കൂടിയായ വിമൽ പ്രിൻസിപ്പൽ ഡയറക്ടറേറ്റിലെ സീനിയർ ക്ലർക്കാണ്. ഇദ്ദേഹം തന്റെ രാജിക്കത്ത് നിയമസഭാ സെക്രട്ടറിക്ക് കൈമാറി. എം.എൽ.എയുമായുള്ള ഭിന്നതയുടെ കാരണങ്ങൾ വിമൽ സംഘടനാ നേതൃത്വത്തെ അറിയിച്ചിട്ടുണ്ടെന്നാണ് വിവരം.
പാളയം പ്രദീപിനെ പുതിയ പി.എ ആയി നിയമിക്കാനുള്ള രമ്യ ഹരിദാസ് എം.എൽ.എയുടെ നീക്കം നേരത്തെ തന്നെ വലിയ വിവാദങ്ങൾക്ക് വഴിവെച്ചിരുന്നു. ഇതിന് പിന്നാലെയാണ് പേഴ്സണൽ സ്റ്റാഫ് അംഗങ്ങളുടെ തുടർച്ചയായുള്ള ഈ കൊഴിഞ്ഞുപോക്ക്.
+ There are no comments
Add yours