ഇടുക്കി മെഡിക്കൽ കോളേജിലെ ആൺകുട്ടികളുടെ ഹോസ്റ്റലിൽ മലിനജല ടാങ്കുകൾ നിറഞ്ഞൊഴുകുന്നത് ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നു. രൂക്ഷമായ ദുർഗന്ധവും കൊതുക് ശല്യവും മൂലം ഹോസ്റ്റലിൽ താമസിക്കാൻ കഴിയാത്ത അവസ്ഥയിലാണെന്ന് വിദ്യാർത്ഥികൾ പരാതിപ്പെടുന്നു. ഈ മലിനജലം ഒഴുകിയെത്തുന്നത് സമീപത്തെ കുടിവെള്ള സ്രോതസ്സുകളിലേക്കും പെരിയാറിലേക്കുമാണ് എന്നത് പ്രദേശത്ത് വലിയ ആശങ്കയാണ് സൃഷ്ടിക്കുന്നത്.
സംസ്ഥാനത്തെ മെഡിക്കൽ കോളേജുകളിൽ അടിസ്ഥാന സൗകര്യങ്ങളുടെ അഭാവവും വീഴ്ചകളും തുടർച്ചയായി റിപ്പോർട്ട് ചെയ്യപ്പെടുന്നുണ്ട്. കോഴിക്കോട് മെഡിക്കൽ കോളേജിൽ ചികിത്സാപ്പിഴവിനെ തുടർന്ന് ഇന്ന് ഒരു യുവതി മരിച്ചിരുന്നു. ഇതിന് പുറമെ, അടിസ്ഥാന സൗകര്യങ്ങളില്ലെന്ന് ചൂണ്ടിക്കാട്ടി കുറച്ചുനാളുകൾക്ക് മുൻപ് പാലക്കാട് മെഡിക്കൽ കോളേജിലെ വിദ്യാർത്ഥികളും വലിയ പ്രക്ഷോഭം സംഘടിപ്പിച്ചിരുന്നു. നിലവിലെ ഈ സംഭവങ്ങൾ ആരോഗ്യ-വിദ്യാഭ്യാസ മേഖല നേരിടുന്ന വെല്ലുവിളികളിലേക്കും ശോചനീയാവസ്ഥയിലേക്കുമാണ് വിരൽചൂണ്ടുന്നത്.
+ There are no comments
Add yours