കണ്ണൂർ: എസ്.എഫ്.ഐ പ്രവർത്തകർക്കെതിരെ നടക്കുന്ന അക്രമങ്ങളെ ചെറുക്കാൻ പോലീസിനെയും യൂത്ത് കോൺഗ്രസിനെയും തെരുവിൽ നേരിടുമെന്ന് ഡിവൈഎഫ്ഐയുടെ മുന്നറിയിപ്പ്. വിദ്യാർത്ഥികളെ ആക്രമിക്കാൻ ശ്രമിച്ചാൽ അവർക്ക് കാവലാളായി ഡിവൈഎഫ്ഐ തെരുവിലുണ്ടാകുമെന്ന് എം. വിജിൻ വ്യക്തമാക്കി. അക്രമങ്ങൾക്ക് നേതൃത്വം നൽകിയത് ഒ.ജെ. ജനീഷും ഷാഫിയുമാണെന്നും, യൂത്ത് കോൺഗ്രസാണ് പ്രശ്നങ്ങൾക്ക് തുടക്കമിട്ടതെന്നും അദ്ദേഹം ആരോപിച്ചു.
വിദ്യാർത്ഥികൾക്ക് നേരെ പോലീസും യൂത്ത് കോൺഗ്രസും ചേർന്ന് അക്രമം അഴിച്ചുവിടുകയാണെന്ന് ചിന്താ ജെറോം കുറ്റപ്പെടുത്തി. തിരുവനന്തപുരത്തുണ്ടായ അക്രമസംഭവങ്ങൾ അങ്ങേയറ്റം പ്രതിഷേധാർഹമാണ്. കലാലയ യൂണിയൻ തിരഞ്ഞെടുപ്പുകളിൽ എസ്.എഫ്.ഐ നേടിയ വലിയ വിജയത്തിലുള്ള നിരാശയും ഭയവുമാണ് യൂത്ത് കോൺഗ്രസിനെ അസ്വസ്ഥരാക്കുന്നത്.
ബി.ജെ.പിക്കെതിരെ സമരം ചെയ്യാൻ തയ്യാറാകാത്ത യൂത്ത് കോൺഗ്രസ് നേതൃത്വം അവർക്ക് വേണ്ടിയാണ് ഇപ്പോൾ പ്രവർത്തിക്കുന്നത്. പ്രധാന വിഷയങ്ങളിൽ നിന്ന് ജനശ്രദ്ധ തിരിച്ചുവിടാൻ ബി.ജെ.പിക്കും യുവമോർച്ചയ്ക്കും വേണ്ടി യൂത്ത് കോൺഗ്രസ് നടത്തുന്ന ശ്രമമാണിതെന്നും ചിന്താ ജെറോം ആരോപിച്ചു. എസ്.എഫ്.ഐ പ്രവർത്തകരെ ലക്ഷ്യം വെച്ചുള്ള അക്രമങ്ങളിൽ പ്രതിഷേധിച്ച് ഡിവൈഎഫ്ഐയുടെ നേതൃത്വത്തിൽ മേഖലാ തലങ്ങളിൽ വൈകുന്നേരം അഞ്ചുമണിക്ക് പ്രതിഷേധ പരിപാടികൾ സംഘടിപ്പിക്കുമെന്നും നേതാക്കൾ അറിയിച്ചു.
+ There are no comments
Add yours