ഒമാനിൽ  ഭൂചലനം

ഒമാനിലെ മുസന്ദം ഉപദ്വീപിൻ്റെ തെക്ക് ഭാഗത്ത് ഭൂചലനം അനുഭവപ്പെട്ടു. ചൊവ്വാഴ്ച മുസന്ദത്തിന് തെക്ക് 4.6 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി നാഷണൽ സെന്റർ ഓഫ് മെറ്റീരിയോളജിയുടെ നാഷണൽ സീസ്മിക് നെറ്റ‌്വർക്ക് അറിയിച്ചു. അഞ്ച് കിലോമീറ്റർ ആഴത്തിലായിരുന്നു ഭൂചലനം രേഖപ്പെടുത്തിയത്.

യുഎഇ സമയം വൈകുന്നേരം 4.40ന് ആണ് ഈ മേഖലയിൽ ഭൂചലനം ഉണ്ടായത്. യുഎഇയിലെ താമസക്കാർക്ക് ഭൂചലനം അനുഭവപ്പെട്ടെങ്കിലും, രാജ്യത്ത് യാതൊരുവിധ നാശനഷ്‌ടങ്ങളോ പ്രത്യാഘാതങ്ങളോ ഇത് ഉണ്ടാക്കിയിട്ടില്ലെന്നും റിപ്പോർട്ടുകൾ സൂചിപ്പിക്കുന്നു.