കൊച്ചി: നെടുമ്പാശ്ശേരിയിൽ മൂന്ന് പേരുടെ ദാരുണാന്ത്യത്തിനിടയാക്കിയ മിനി കൂപ്പർ വാഹനാപകടക്കേസിൽ മുഖ്യപ്രതി സുഹൈലിന്റെ മാതാവിന്റെ മൊഴി അന്വേഷണസംഘം ഇന്ന് രേഖപ്പെടുത്തും. അപകടത്തിൽപ്പെട്ട വാഹനം ഇതിനുമുൻപും സമാനമായ അപകടങ്ങളിൽ പെട്ടിട്ടുണ്ടോ എന്നതുൾപ്പെടെയുള്ള നിർണായക വിവരങ്ങൾ പോലീസ് ഇവരിൽ നിന്ന് ചോദിച്ചറിയും.
കേസന്വേഷണത്തിൽ നിർണായകമാകുന്ന വാഹനത്തിന്റെ ഇ.ഡി.ആർ (EDR) പരിശോധനാ ഫലവും ഉടൻ തന്നെ പോലീസിന് ലഭ്യമാകുമെന്നാണ് പ്രതീക്ഷിക്കുന്നത്. ഈ റിപ്പോർട്ട് ലഭിക്കുന്നതോടെ അപകടസമയത്തെ വാഹനത്തിന്റെ വേഗതയും ആഘാതവും സംബന്ധിച്ച് കൂടുതൽ വ്യക്തത കൈവരും. ഇതിന്റെ അടിസ്ഥാനത്തിലായിരിക്കും അന്വേഷണം കൂടുതൽ ഊർജ്ജിതമാക്കുക.
+ There are no comments
Add yours