തിരുവനന്തപുരം: സംസ്ഥാന പോലീസ് ആസ്ഥാനത്തെ എ.ഐ.ജി (AIG) ജി. പൂങ്കുഴലി കേന്ദ്ര ഡെപ്യൂട്ടേഷനിൽ സി.ബി.ഐയിലേക്ക് (CBI). അഞ്ച് വർഷത്തേക്കാണ് നിയമനം നൽകിക്കൊണ്ട് കേന്ദ്ര ആഭ്യന്തര മന്ത്രാലയം ഉത്തരവിറക്കിയത്. ഒരു മാസത്തിനകം തന്നെ സി.ബി.ഐയിൽ പുതിയ ചുമതലയേൽക്കാനാണ് ഉദ്യോഗസ്ഥയ്ക്ക് നൽകിയിരിക്കുന്ന നിർദ്ദേശം.
രാഹുൽ മാങ്കൂട്ടത്തിൽ പ്രതിയായ ബലാത്സംഗ കേസിന്റെ അന്വേഷണ ഉദ്യോഗസ്ഥയാണ് ജി. പൂങ്കുഴലി. കേന്ദ്ര ഡെപ്യൂട്ടേഷനിൽ പോകുന്നതിന് മുൻപ് തന്നെ ഈ കേസിലെ കുറ്റപത്രം സമർപ്പിച്ചേക്കുമെന്നാണ് അന്വേഷണ സംഘത്തിൽ നിന്നുള്ള സൂചന. രാഹുൽ മാങ്കൂട്ടത്തിൽ എം.എൽ.എ ആയിരുന്ന കാലത്തെ കേസിന് പുറമെ, കേരളത്തിൽ വലിയ കോളിളക്കം സൃഷ്ടിച്ച മലയാള സിനിമാ മേഖലയിലെ ലൈംഗികാതിക്രമ കേസുകൾ കൈകാര്യം ചെയ്തതും ജി. പൂങ്കുഴലിയായിരുന്നു. മികച്ച ട്രാക്ക് റെക്കോർഡുള്ള ഉദ്യോഗസ്ഥയ്ക്കാണ് ഇപ്പോൾ കേന്ദ്ര ഏജൻസിയിലേക്ക് സുപ്രധാന മാറ്റം ലഭിച്ചിരിക്കുന്നത്.
+ There are no comments
Add yours