പോളണ്ടിന്റെ വ്യോമാതിര്ത്തി താല്ക്കാലികമായി അടയ്ക്കുന്നു: പോളിഷ് പ്രധാനമന്ത്രി ഡൊണാള്ഡ് ടസ്ക്
പോളണ്ടിന്റെ വ്യോമാതിര്ത്തി താല്ക്കാലികമായി അടയ്ക്കാനും ഫൈറ്റര് ജെറ്റുകള് അടിയന്തരമായി സജ്ജമാക്കാനും ഇടയാക്കിയ സമീപകാല സംഭവവികാസങ്ങള്ക്ക് പിന്നാലെയാണ് പാര്ലമെന്റിനെ അഭിസംബോധന ചെയ്തുകൊണ്ട് അദ്ദേഹം ഈ മുന്നറിയിപ്പ് നല്കിയത്.
വരും മാസങ്ങളില് മേഖലയില് വന്തോതിലുള്ള സംഘര്ഷത്തിന് വ്ലാഡിമിര് പുടിന് തയ്യാറെടുക്കുകയാണെന്ന് പാശ്ചാത്യ രഹസ്യാന്വേഷണ ഏജന്സികള് സ്ഥിരീകരിച്ചിട്ടുണ്ടെന്ന് ടസ്ക് വ്യക്തമാക്കി. യുക്രൈനിലെ റഷ്യന് അധിനിവേശം വിചാരിച്ച രീതിയില് ലക്ഷ്യത്തിലെത്താത്ത പശ്ചാത്തലത്തില്, സഖ്യരാജ്യങ്ങളെ ലക്ഷ്യമിട്ട് അക്രമം അഴിച്ചുവിടാനാണ് ക്രെംലിന് പദ്ധതിയിടുന്നത്.യുക്രൈന്റെ പ്രധാന സഖ്യകക്ഷിയായ ബ്രിട്ടന് ഉള്പ്പെടെയുള്ള രാജ്യങ്ങളിലേക്ക് റഷ്യന് ആക്രമണം വ്യാപിച്ചേക്കാമെന്ന റിപോര്ട്ടുകള് പാശ്ചാത്യ ശക്തികള്ക്കിടയില് വലിയ ആശങ്കയ്ക്ക് വഴിവെച്ചിട്ടുണ്ട്. ഇതിനുപുറമെ, നാറ്റോ അംഗരാജ്യങ്ങള് പ്രതിരോധ ബജറ്റുകള് അടിയന്തരമായി വര്ധിപ്പിക്കണമെന്ന ആവശ്യവും ശക്തമായിട്ടുണ്ട്. കഴിഞ്ഞദിവസങ്ങളില് പോളിഷ് അതിര്ത്തിക്ക് തൊട്ടടുത്ത് യുക്രൈന്റെ പടിഞ്ഞാറന് മേഖലകളില് റഷ്യ ശക്തമായ ഡ്രോണ് ആക്രമണം നടത്തിയിരുന്നു. മുന് ബ്രിട്ടീഷ് പ്രധാനമന്ത്രി ബോറിസ് ജോണ്സണ് ഉള്പ്പെടെയുള്ള പാശ്ചാത്യ നേതാക്കള് സന്ദര്ശനം നടത്തുന്നതിനിടെ അതിര്ത്തിക്ക് സമീപമുള്ള റെയില്വേ സ്റ്റേഷനില് റഷ്യന് ഡ്രോണ് പതിച്ചതും സ്ഥിതിഗതികള് കൂടുതല് വഷളാക്കി.
യുക്രൈന് നല്കുന്ന സൈനിക പിന്തുണയില് നിന്നും പാശ്ചാത്യ രാജ്യങ്ങളെ പിന്തിരിപ്പിക്കാനും ഭയപ്പെടുത്താനുമാണ് പുടിന് ശ്രമിക്കുന്നത്. ‘റഷ്യ എന്തോ വലിയ അക്രമത്തിന് പദ്ധതിയിടുന്നുണ്ടെന്ന് വ്യക്തമാണ്; വിവിധ സാഹചര്യങ്ങളെ നേരിടാന് ഞങ്ങള് സജ്ജമായിരിക്കുകയാണ്’ എന്ന് പോളിഷ് പാര്ലമെന്റില് സംസാരിക്കവേ ടസ്ക് പറഞ്ഞു. റഷ്യക്ക് യാതൊരുവിധ സമാധാനപരമായ നയങ്ങളുമില്ലെന്നും അവരുടെ വാക്കുകള് നിഷ്കളങ്കമായി വിശ്വസിക്കാന് കഴിയില്ലെന്നും അദ്ദേഹം കൂട്ടിച്ചേര്ത്തു. ഭാവിയില് നടക്കുന്ന ആക്രമണങ്ങള് അപകടവശാല് സംഭവിച്ചതാണെന്ന് ചിത്രീകരിച്ച് നാറ്റോയുടെ തിരിച്ചടിയെ പ്രതിരോധിക്കാനും റഷ്യ ശ്രമിച്ചേക്കാം.റഷ്യ നിലവില് ഉപയോഗിക്കുന്ന വേഗതയേറിയ ജെറ്റ് അധിഷ്ഠിത ഡ്രോണുകള് നാറ്റോ വ്യോമാതിര്ത്തിയിലേക്ക് കടക്കുന്നതിന് മുമ്പ് തന്നെ വെടിവെച്ചിടണമെന്ന ആവശ്യവും ഉയര്ന്നിട്ടുണ്ട്. യുക്രൈനിലെ ആക്രമണം നാറ്റോ അതിര്ത്തികളിലേക്ക് വ്യാപിക്കാതിരിക്കാന് ഇത് അത്യന്താപേക്ഷിതമാണെന്ന് മുന് ബ്രിട്ടീഷ് പ്രതിരോധ സെക്രട്ടറി ബെന് വാലസ് അഭിപ്രായപ്പെട്ടു. അതിര്ത്തിയിലേക്ക് കടന്നുകയറുന്ന ഏതൊരു റഷ്യന് വിമാനത്തെയും വെടിവെച്ചിടാന് പോളിഷ് വ്യോമസേനയ്ക്ക് നിലവില് തന്നെ പ്രത്യേക അനുമതി നല്കിയിട്ടുണ്ട്. ഇതിനായി എഫ്-16 പോര്വിമാനങ്ങളുടെയും ഹെലികോപ്റ്ററുകളുടെയും നിരീക്ഷണം മേഖലയില് ശക്തമാക്കിയിരിക്കുകയാണ്.
+ There are no comments
Add yours