ശബരിമലയിലെ ഏറ്റവും പ്രധാനപ്പെട്ട വഴിപാടുകളിലൊന്നായ പടിപൂജയ്ക്ക് 2040 ഏപ്രിൽ വരെ എല്ലാ ദിവസങ്ങളും ബുക്കിങ്ങ് പൂർത്തിയായതായി..

ശബരിമലയിലെ ഏറ്റവും പ്രധാനപ്പെട്ട വഴിപാടുകളിലൊന്നായ പടിപൂജയ്ക്ക് 2040 ഏപ്രിൽ വരെ എല്ലാ ദിവസങ്ങളും ബുക്കിങ്ങ് പൂർത്തിയായതായി ദേവസ്വം അഡ്മിനിസ്‌ട്രേറ്റീവ് ഓഫീസർ എസ്. ശ്രീനിവാസ് അറിയിച്ചു. അതോടൊപ്പം, 2040ന് പിന്നാലെയുള്ള ദിവസങ്ങളിലേക്കുള്ള ബുക്കിങ്ങും ഭക്തർക്ക് ഇനി തുടർന്നു നടത്താമെന്ന് അദ്ദേഹം അറിയിച്ചു.

ശബരിമലയിലെ പടിപൂജ വഴിപാട് എപ്പോഴും ഭക്തജനങ്ങളുടെ ഏറ്റവും ആഗ്രഹിക്കുന്ന വഴിപാടുകളിൽ ഒന്നാണ്. 1,37,900 രൂപയാണ് ഇതിന്റെ നിലവിലെ നിരക്ക്. പൂജ നടക്കുന്നതിനുള്ള സമയത്ത് പൂജാസാധനങ്ങളുടെ വിലയിൽ മാറ്റമുണ്ടായാൽ, അതനുസരിച്ചുള്ള അധിക തുകയും വഴിപാടുകാരൻ അടയ്ക്കേണ്ടിവരും. ഈ വഴിപാടുകൾ ദേവസ്വം അഡ്മിനിസ്‌ട്രേറ്റീവ് ഓഫീസിൽ നേരിട്ട് പണമടച്ചാണ് ബുക്കുചെയ്യുന്നത്.