രാജ്യത്ത് പെട്രോൾ-ഡീസൽ വില വർധിക്കും എന്ന് സമൂഹമാധ്യമ്മങ്ങളിൽ പ്രചരിക്കുന്നത് വ്യാജവാർത്ത… വിശദീകരണവുമായി കേന്ദ്രസർക്കാർ…

രാജ്യത്ത് പെട്രോൾ, ഡീസൽ വില വർധിപ്പിച്ചെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ നിഷേധിച്ച് കേന്ദ്ര സർക്കാർ. പെട്രോളിയം മന്ത്രാലയത്തിന്റെ പേരിൽ ഇറങ്ങിയ വ്യാജ ഉത്തരവ് ചൂണ്ടിക്കാട്ടിയാണ് തെറ്റായ വിവരങ്ങൾ പ്രചരിക്കുന്നത്. ഇത്തരത്തിൽ ഒരു ഉത്തരവും സർക്കാർ പുറപ്പെടുവിച്ചിട്ടില്ലെന്നും ഇന്ധനവിലയിൽ മാറ്റമില്ലെന്നും കേന്ദ്ര പെട്രോളിയം മന്ത്രാലയം വ്യക്തമാക്കി.

പെട്രോളിന് ലിറ്ററിന് 10 രൂപയും ഡീസലിന് 12.5 രൂപയും വർധിപ്പിച്ചുവെന്നായിരുന്നു പ്രചാരണം. ഔദ്യോഗിക രേഖയെന്ന രീതിയിൽ ഒരു കത്തും ഇതിനൊപ്പം പ്രചരിച്ചിരുന്നു. എന്നാൽ ഇത് വ്യാജമായി നിർമ്മിച്ചതാണെന്ന് അധികൃതർ സ്ഥിരീകരിച്ചു.