സർക്കാർ വിശ്വാസികളോടൊപ്പമല്ല വിശ്വാസികൾക്കെതിരാണെന്ന് ബിജെപി സംസ്ഥാന ജനറൽ സെക്രട്ടറി എം ടി രമേശ്.
വിശ്വാസികളെ റോഡിലിട്ട് തല്ലിച്ചതച്ച സർക്കാരാണിത്.
സന്നിധാനത്തെ പോലും പോലീസ് രാജ് നടപ്പാക്കി. സുപ്രീം കോടതി വിധിയുടെ മറപിടിച്ച് ശബരിമലയെ തകർക്കാൻ ശ്രമിച്ച സർക്കാരാണ് ഒന്നാം പിണറായി സർക്കാർ.
നിയമസഭാ തിരഞ്ഞെടുപ്പ് മുന്നിൽകണ്ട് സർക്കാർ യുടേൺ അടിച്ചു.
ആചാരങ്ങളും അനുഷ്ഠാനങ്ങളുമാണ് പ്രധാനം എന്ന നിലപാടാണ് ഇപ്പോൾ സർക്കാർ സ്വീകരിച്ചിരിക്കുന്നത്.
2018ലെ സർക്കാർ നിലപാടിൽ ഇപ്പോൾ മാറ്റാൻ വരുത്താൻ കാരണമെന്തെന്ന് മുഖ്യമന്ത്രി വിശദീകരിക്കണം.
വനിതാ മതിലിനെ തള്ളിപ്പറയാനും നവോത്ഥാന സമിതി പിരിച്ചുവിടാനും സർക്കാർ തയ്യാറാകുമോ എന്നും എം ടി രമേശ് കോട്ടയത്ത് ചോദിച്ചു.
+ There are no comments
Add yours