ഇറാൻ സുപ്രീം നാഷണല് സെക്യൂരിറ്റി കൗണ്സില് (SNSC) പുതിയ സെക്രട്ടറിയായി മുതിർന്ന സൈനിക ഉദ്യോഗസ്ഥനായ മുഹമ്മദ് ബാഗിർ സോല്ഘദറിനെ നിയമിച്ചു.
അന്തരിച്ച അലി ലാറിജാനിക്ക് പകരക്കാരനായാണ് ഈ നിയമനം.
ഇസ്ലാമിക് റെവല്യൂഷണറി ഗാർഡ് കോർപ്സിന്റെ (IRGC) മുൻ കമാൻഡറായ സോല്ഘദർ, ഇറാന്റെ പ്രതിരോധം, ആണവ നയം, വിദേശനയം എന്നിവയില് നിർണ്ണായക തീരുമാനങ്ങള് എടുക്കുന്ന അതീവ ശക്തമായ ഈ സുരക്ഷാ സമിതിയുടെ ചുമതലയിലേക്കാണ് നിയമിക്കപ്പെട്ടിരിക്കുന്നത്.
സമീപകാലത്ത് നടന്ന ആക്രമണങ്ങളില് അലി ലാറിജാനി കൊല്ലപ്പെട്ടതിനെത്തുടർന്ന് ഇറാന്റെ ഉന്നത നേതൃത്വ നിരയില് ഉണ്ടായ വലിയ മാറ്റങ്ങളുടെ ഭാഗമായാണ് ഈ നിയമനം. യുദ്ധസമയങ്ങളില് ഇറാന്റെ സൈനികവും തന്ത്രപരവുമായ നീക്കങ്ങള് ഏകോപിപ്പിക്കുന്നതില് സുപ്രീം നാഷണല് സെക്യൂരിറ്റി കൗണ്സില് കേന്ദ്രബിന്ദുവായി പ്രവർത്തിക്കുന്നു.
അമേരിക്കയുമായും ഇസ്രായേലുമായും സംഘർഷം നിലനില്ക്കുന്ന സാഹചര്യത്തില്, വിപ്ലവ ഗാർഡുമായി (IRGC) അടുത്ത ബന്ധമുള്ള ഒരു തീവ്ര നിലപാടുകാരനെ ഈ സ്ഥാനത്തേക്ക് കൊണ്ടുവന്നത് ഇറാന്റെ നയങ്ങള് കൂടുതല് കടുപ്പിക്കുന്നതിന്റെ സൂചനയായാണ് വിലയിരുത്തപ്പെടുന്നത്.
+ There are no comments
Add yours