കോട്ടയം: മുഖ്യമന്ത്രിയെ അറിയാന് മണിക്കൂറുകള് മാത്രം ബാക്കിനില്ക്കെ കോട്ടയത്ത് വി ഡി സതീശനായി ഫ്ളക്സുകള്. കോട്ടയം ഗാന്ധി സ്ക്വയറിലാണ് ഫ്ളക്സ് ബോര്ഡുകള് പ്രത്യക്ഷപ്പെട്ടത്. ‘കേരളത്തിന്റെ എണ്ണം പറഞ്ഞ നിലപാടുകളുടെ രാജകുമാരന്, വി ഡി സതീശന് കേരളം നയിക്കട്ടെ’ എന്നാണ് ഫ്ളക്സിൽ എഴുതിയിരിക്കുന്നത്. ഇതിന് പുറമേ ‘കേരളത്തിന്റെ കരുതലായി, വിളക്കായി വി ഡി’ എന്നെഴുതിയ മറ്റൊരു ഫ്ളക്സും ഇതേ സ്ഥലത്ത് സ്ഥാപിച്ചിട്ടുണ്ട്. ഫ്ളക്സുകള് സ്ഥാപിക്കരുതെന്ന നേതൃത്വത്തിന്റെ വിലക്ക് ലംഘിച്ചാണ് വീണ്ടും പോസ്റ്റര് ഉയര്ന്നത്.
അതേസമയം മുഖ്യമന്ത്രിയെ കോണ്ഗ്രസ് ഹൈക്കമാന്ഡ് ഇന്ന് പ്രഖ്യാപിക്കും. മുദ്രവെച്ച കവറില് നിയമസഭാ കക്ഷിയോഗത്തില് പ്രഖ്യാപിക്കാനാണ് നീക്കം. ഇന്ന് ഒരു മണിക്ക് തിരുവനന്തപുരത്ത് കെപിസിസി ആസ്ഥാനത്ത് വെച്ചാണ് നിയമസഭാ കക്ഷി യോഗം നടക്കുന്നത്. കേരളത്തിന്റെ ചുമതലയുള്ള ദീപാദാസ് മുന്ഷി, എഐസിസി നിരീക്ഷകരായ അജയ് മാക്കന്, മുകുള് വാസ്നിക് എന്നിവര് യോഗത്തില് പങ്കെടുക്കും.
+ There are no comments
Add yours