സൈബർ പൊലീസ് അറസ്റ്റ് ചെയ്തു ജയിലില് കഴിയുന്ന രാഹുല് ഈശ്വറിനെ ആരോഗ്യനില മോശമായതിനെ തുടർന്ന് മെഡിക്കല് കോളേജില് അഡ്മിറ്റ് ചെയ്തു.
ഉച്ചയ്ക്ക് മെഡിക്കല് കോളേജില് എത്തിച്ച് പ്രാഥമിക ചികിത്സ നല്കി ജയിലിലേക്ക് കൊണ്ടുപോകാൻ ആയിരുന്നു ഉദ്ദേശിച്ചിരുന്നത്.
എന്നാല് ആരോഗ്യനില മോശമായതിനെ തുടർന്ന് അഡ്മിറ്റ് ചെയ്യാൻ ഡോക്ടർമാർ നിർദ്ദേശിക്കുകയായിരുന്നു. ജയിലില് പ്രവേശിപ്പിച്ച ശേഷം നിരാഹാര സമരത്തിലാണ് രാഹുല്. നേരത്തെ മുൻകൂർ ജാമ്യാപേക്ഷ തള്ളിയ രാഹുല് ഈശ്വറിനെ പൂജപ്പുര ജയിലിലേക്ക് മാറ്റിയിരുന്നു.
തുടർന്ന് ജയിലില് നിരാഹാരം പ്രഖ്യാപിച്ചതോടെ സെൻട്രല് ജയിലിലേക്ക് മാറ്റുകയായിരുന്നു. രാഹുല് മാങ്കൂട്ടത്തിലിനെതിരെ പരാതി നല്കിയ യുവതിയെ സമൂഹമാധ്യമത്തിലൂടെ അപമാനിച്ചെന്ന കേസിലാണ് രാഹുല് ഈശ്വർ അറസ്റ്റിലായത്.
അതേസമയം, രാഹുല് ഈശ്വർ നല്കിയ ജാമ്യഹര്ജിയില് നാളെയും വാദം തുടരും. ഇരുവിഭാഗത്തിന്റെയും വാദം പൂര്ത്തിയാകാത്ത സാഹചര്യത്തിലാണ് തിരുവനന്തപുരം അഡീഷണല് സിജെഎം കോടതി നാളെ പരിഗണിക്കാന് മാറ്റിയത്. കേസിലെ എഫ് ഐ ആർ വായിക്കുക മാത്രമാണ് വീഡിയോയില് ചെയ്തതെന്നും പരാതിക്കാരെ അവഹേളിക്കുന്ന ഒന്നും ഇതില് ഇല്ലെന്നും രാഹുല് ഈശ്വറിന്റെ അഭിഭാഷകൻ വാദിച്ചു.
+ There are no comments
Add yours