ന്യൂഡൽഹി: കേരളത്തിന്റെ മുഖ്യമന്ത്രി ആരെന്ന് അടുത്ത 24 മണിക്കൂറിനുള്ളിൽ അറിയാമെന്ന് കോൺഗ്രസ് നേതാവ് കെ. മുരളീധരൻ. മുഖ്യമന്ത്രി സ്ഥാനത്തേക്കുള്ള പട്ടികയിൽ താനില്ലെന്നും എന്നാൽ ജനവികാരം എന്താണെന്ന് രാഹുൽ ഗാന്ധിക്ക് കൃത്യമായി അറിയാമെന്നും അദ്ദേഹം ഡൽഹിയിൽ മാധ്യമങ്ങളോട് പറഞ്ഞു.
“കേരളത്തിന്റെ മുഖ്യമന്ത്രിയെ തീരുമാനിക്കുന്നതിൽ എം.എൽ.എമാരുടെ എണ്ണം മാത്രമായിരിക്കില്ല പ്രധാന ഘടകം. ജനവികാരവും ഘടകകക്ഷികളുടെ അഭിപ്രായങ്ങളും ഹൈക്കമാൻഡ് ഗൗരവമായി പരിഗണിക്കും. എണ്ണം മാത്രമാണ് മാനദണ്ഡമെങ്കിൽ പ്രഖ്യാപനം എപ്പോഴേ നടക്കുമായിരുന്നു. കോൺഗ്രസ് തീരുമാനിക്കുന്നത് സ്വന്തം മുഖ്യമന്ത്രിയെയല്ല, യു.ഡി.എഫിന്റെ മുഖ്യമന്ത്രിയെയാണ്,” – മുരളീധരൻ വ്യക്തമാക്കി. ഭരണമാറ്റം വേഗത്തിലുണ്ടാകണമെന്ന് രാഹുൽ ഗാന്ധിയെ അറിയിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
+ There are no comments
Add yours