തിരുവനന്തപുരം: ട്രിവാന്ഡ്രം ക്ലബ്ബിന് മുന്നിൽ മണിയൻപിള്ള രാജു ഓടിച്ച വാഹനം അപകടത്തിൽപ്പെടുമ്പോൾ നടന് മദ്യപിച്ചിരുന്നില്ലെന്ന് റിപ്പോര്ട്ട്. കെമിക്കല് ലാബില് നിന്നുള്ള ഫലത്തിലാണ് നടന് മദ്യപിച്ചിരുന്നില്ലെന്ന് കണ്ടെത്തിയത്. ഇതോടെ മദ്യപിച്ച് വാഹനം ഓടിച്ചെന്ന കുറ്റം പൊലീസ് ഒഴിവാക്കി. കോടതിയെ സമീപിച്ചാണ് കുറ്റം ഒഴിവാക്കിയത്. നിലവില് ‘ഹിറ്റ് ആന്ഡ് റണ്’ കേസ് മാത്രമാണുള്ളത്.
‘ചിക്കുന്ഗുനിയ ഉണ്ടായിരുന്നു. എന്റെ ജീവിതത്തില് ഒരു സൈക്കിളില് പോലും മുട്ടിയിട്ടില്ലാത്ത ആളാണ്. പതുക്കെ ഓടിക്കുന്ന ആളാണ്. പേടിച്ചുപോയി. സത്യം പുറത്തുവന്നതില് സന്തോഷമുണ്ട്. 2022ല് മദ്യപാനം നിര്ത്തിയ ആളാണ്. മദ്യപിക്കില്ലെന്ന് ഡോക്ടര്ക്ക് വാക്കുകൊടുത്തയാളാണ്. സത്യം പുറത്തുവന്നതില് സന്തോഷമുണ്ട്’, മണിയന് പിള്ള രാജു പറഞ്ഞു.
+ There are no comments
Add yours